حسناء خميس تكتب : أرض النفاق !

من كام يوم شوفت فيديو لنادين "ممثلة" كانت في برنامج وبتقول فيه ان معندهاش مشكلة ان الولد يمارس الجنس قبل الجواز وبالعكس يفضل لأن ده هيساعده يتعامل يعني لكن البنت لا طبعاً مينفعش وان اكيد الكلام هتطبقوا على عيالها ولما الذيع قالها انها كده بتفرق وحقوق المرأه قالتله ان في الاخر الرجل رجل والست ست انا اول ما شوفت الفيديو ده اتنرفزت جدا ان ازاي واحدة المفروض فنانه مثقفه تتكلم كده ! ازاي عنصرية ومبتحترمش المرأة خالص كده! ازاي بتهدر حقوقنا كده! واسئله كتيره جت في دماغي بس بعد شوية تفكير في حياتي حسيت اد ايه الست دي عظيمه اقلها هي صادقه مع نفسها وبتقول اللي فعلاً هتعمله يا بختها والله هل وصلنا لنادين بلاش وصلنا هل وصلت انا لنادين؟ هل فعلا كل الكلام اللي بقوله عن حقوق المرأة والحرية بطبقه في حياتي الشخصية الاجابة هي لا ومش لازم يكون لا عشان حد بيجبرني على حاجه ممكن مبطبقهاش لمجرد سكوتي عن حاجه انا مش مقتنعه بيها حتى لو كلامي مش هيغير حاجه لكن لازمته ايه الكلام لو مفيش فعل بجد بيتعمل؟ ودي مش انا لوحدي احنا كتير اللي بتتكلم ععن ازاي واحده تسمح لحد يحجبها وهي معندهاش مانع خطيبها يحدد حدودها مع الناس ولا طريقة لبسها ولا كلامها المشكله ان احنا مبنكونش عارفين اد ايه احنا منافقين احنا بس بنوسع دايرة الحصار مبنلغيهاش احنا اللي بنهدر حقوق المرأة مش نادين خالص ولحد ما نتصالح مع نفسنا ونحدد اذا كنا هنرضى بالوضع الحالي ولا هنبطل كلام عن حقوق المرأة هفضل اقول فلتحيا نادين نسيب ولتحيا قناعتنا ولنسقط نحن وقناعتها