إكرام عصام تكتب : الصدمة

حنتكلم شوية عن الصدمة النفسية ... يعني اية صدمة ؟
 يعني موقف الإنسان اتحط فيه خلاه يحس انه في خطر كبير بصورة خلت الخطر دا وصل للبنيان النفسي للشخص وهزه وقرب انه يهده ... فالشخص ده حس انه في خطر كبير نفسي وعضوي طيب بيحصل اية بعد كدا ...
بيحصل مراحل الصدمة النفسية

• مرحلة الإنكار .... أن الشخص بيفضل ينكر الحدث اللي حصل ويفضل مش قادر يصدقه
• مرحلة الغضب ... الشخص المصدوم في المرحلة دي بيبقى غضبان جدا من كل حاجة ومن كل شخص وبيبدأ يرمي اللوم على أشخاص معينين أنهم السبب في الحاجة اللي حصلت له
• مرحلة الاكتئاب .... الشخص المصدرة بيدخل في مرحلة اكتئاب وعزلة
• مرحلة التفاوض ... أن الشخص المصدوم ده بيوصل لأنه بيحسب حساباته بطريقة مختلفة بمعنى أنه في المرحلة دي بيشوف خسر اية وكسب اية وبيحاول يدور على مكاسب من الموقف اللي حصل ده
• مرحلة التقبل ... بيوصل الشخص المصدوم لأن الموضوع معاه بقى عادي وتقبله وعداه .

  طيب اية اصلا اللي بيخلي الموقف يبقى صادم ؟
 اللي بيوصلنا لمرحلة الصدمة دي هي التوقعات ...
 لما بنحط توقعات عالية في الأشخاص اللي حوالينا ومابيحصلش اللي احنا مستنينه يحصل بننهار نفسيا وبنتصدم لأننا بتبقى متوقعين وعاملين حسابنا على دعم نفسي معين ممكن جدا مانوصلهوش ودا اللي بيعمل مرحلة الرفض ، كمان بيبقى فى معلومات مغلوطة عن العلاقات والأشياء والأشخاص ومفاهيم وقناعات محتاجة تتصلح .

طيب امتى الصدمة تبقى خطر ؟
الصدمة بتبقى خطر على الشخص المصدوم لما يقف في أي مرحلة من مراحل الصدمة وما يعديهاش بيفضل متعلق في المرحلة دي ودا اللي بيعمل الخطر
 ازاي اساعد الشخص المصدوم ؟
 أولا ... الرفق واللين لأن الشخص دا مش في حالة تسمح انك تفضل تديله حكم ومواعظ أو تفضل تلومه وتآنبه
 ثانيا ... الدعم والمشاركة
 ثالثا .. أسمعه لما يبقى محتاج يحكى .
 رابعا ... الابتعاد عن مصادر الضغط خامسا ... الدعم النفسي .. ودا مهم جدا لأنه بيساعد الشخص ذا انه يصلح المعلومات الغلط اللي عملت فيه كدا اصلا ودا ليحافظ على الصحة النفسية للإنسان ده من أن يحصله صدمة تانية

 #ادعم_نفسك