للبنات الدحيحة..شوية tips عشان تذاكري بتركيز وتقفلي الدرجات

بدأ موسم الإمتحانات ، وعشان إحنا بنات وبنخاف ننقص نص درجة، و بنقلق برضو من نسيان اللى ذكرناه، احكي جمعتلك خمس نصايح عشان مذاكرتك تبقي أفضل ..

• متقعديش في مكان محدد ، مش طول النهار تبقي في أوضتك وقافلة عليكي بابك، الدراسات أثبتت أن كل ما كانت مذاكرتك في أماكن مفتوحة، كل أما فرصة تذكرك للمعلومات كانت أكبر ، وده بيرجع لأن المخ بيربط المعلومات بمكان محدد فيبقى سهل تذكرها.

• ذاكري الصبح بدري وخصوصا في الأوقات من 5 إلى 7 لأن مستوى النشاط بيكون عالي جدا في الوقت ده ،وده بيرجع لأن فرز نسبة " الاستروجين" المسئول عن الإدراك والذاكرة بيبقي عالِ جدا الصبح .

• يستحسن المكان اللى بتذاكري فيه يكون متهوي كويس ونضيف ومنظم واضائته تكون عالية ، عشان متحسيش بالإرهاق في وسط اليوم.

• قسمي المنهج على الأيام المتبقية وراعي أن لازم يبقي في يومين أو أكثر عشان تراجعي فيهم وتحلي امتحانات السنين اللى فاتت .

• في وسط انشغالك بالمذاكرة متنسيش نفسك، متنسيش تجهزي طبق بالساندوتشات وتحطي طبق فاكهه وزجاجة مياة جنبك عشان متقوميش كل شويه .