كيف تحافظين على بنس الشعرب 5 طرق مُختلفة

كتير  مننا بيعانوا من مُشكلة ضياع "بنس الشعر" مهما بلغ عددها أو بلغت قيمتها المادية فمصيرها للضياع لا محالة إما بسبب نسيانك لمكانهم أو لوضعهم  في أي مكان بشكل عشوائي وعشان كدة إن كنتي من إللي بيعانوا من المشكلة دي فالطرق دي هتساعدك على حلها:

1- يمكنك جمعهم ووضعهم جميعًا في رأس "دبدوب" أو "دمية" على تسريحة شعرك وبعد ما تخلصي استعمالهم رجعيهم زي ما كانوا وبكدة هتضمني المحافظة عليهم وإنك تفتكري مكانهم .

2- لو كان عندك شراب قديم مُحتفظة بيه في الجزامة بتاعتك فممكن تجمعيهم كلهم وتحطيهم فيه  وبعدين تقفليه وكدة هتلاقيلهم مكان آمن تشيليهم فيه .

3- ممكن  تحطي كل مجموعة منهم على أطراف لبسك إللي بتحتاجيه يوميًا وكدة هتضمني إنك تستخدميهم كل يوم وتشيليهم كمان كل يوم مع لبسك من غير ما يضيعوا .

4- ممكن تلصقي أطراف "البنس" ب "سلوتيب" وبعدين تقلبيهم وتحطيهم ناحية اللزق في دولاب لبس البيت بتاعك وبكدة هتحافظي عليهم.

5- وأخيرًا ممكن تجمعيهم كلهم في كيس بلاستيك وتعلقيه على باب أوضتك وبالطريقة دي هتفتكريهم كل يوم وكمان هتفتكري تشيليهم في نفس المكان.