استخدامات مختلفة لاسفنجة المطبخ

معظمنا بيتخلص من اسفنجات المطبخ بعد ما بتبوط ، بس ايه رأيك تعيدي استخدامها بطرق مختلفة وغير مكلفة ..

احكي جمعتلك شوية طرق مختلفة لإستخدامها ..

1- ممكن تستخدمي الاسفنجة الخشنة وتشيلي الوبر اللي بيتكون على اللبس .

2- ممكن تعملي فتحه فيها من الوسط وتحطي فيها مغناطيس ، وتستخدميها كمادة جاذبة للحاجات الصغيرة اللي بتضيع منك زي الدبابيس وغيره.

3- ممكن تقطعيها من الوسط بشكل مستطيل،وتستخدميها زي "الصبانة" تحطي فيها الصابون، هتحافظ عليه جدا مش زي الصبانات العادية اللي معظمها بيبوش الصابون .

4- ممكن تحطي فيها معلقتين بيكنج بودر وتحطيها في التلاجة وطبعا يبقى في طبق ، هتمتص الريحة الغريبة اللي بتبقي في الثلاجة .

5- حطيها في كيس بلاستيك وحطي عليها شويه مايه صغيرة، وفي حالة الكدمات أو حالات الحروق ممكن تستخدميها كحل سريع ليهم .

6- ممكن تستخدميها كمزيل طبيعي للمانكير، حطي عليها شوية أسيتون وامسحي بيها المانكير، حل سريع وطبيعي .