5 استخدامات غير تقليدية لفرش أسنان.

في كل بيت مصري لازم تلاقي مجموعة من الحاجات الموجودة بشكل كبير ورغم ده مبيتمش استغلالها بشكل صحيح، ومن أبرز الحاجات دي "فرش الأسنان".

من أهم  الاستخدامات الغير تقليدية اللي ممكن تستخدميها لـ "فرش الأسنان":

1- استخدامها في تصحيح الحواجب: وده عن طريق وضع زيت بيساعد على نمو الحواجب زي زيت الخروع أو وضع مصحح الحواجب بنسب متساوية بشكل أكبر من فرشة المُصحح.

2- استخدامها في تلميع الخواتم الذهبية: وده بيكون عن طريق وضع كمية صغيرة من الصابون على الخاتم وبعدها دعكه بالفرشه وغسله بالميه.

3- استخدامها في مسح بقايا المكياج: وده لأن مُعظمنا أحيانًا مبيوزعش الماكياج بشكل صحيح زي الآيلاينر والروج، فممكن من خلال الفرشاه تشيليه بكل بساطة، والطريقة دي بتستلزم إنك تستخدمي الفرشاة بشكل حذر منعًا لمسح الماكياج أو عدم توزيعه بشكل صحيح مرة تانية.

4- استخدامها في التلوين: وبالذات مع أطفالك لأن ببساطة الفرشاة بتتشرب جزء كبير من الألوان وبتساعد  في توزيعها على الورق بشكل كويس.

5-وأخيرًا، ممكن تقدري تستخدميها كديكور لطيف لعلبة أقلام مكتبك وده عن طريق تزيينها بالورق الملون اللي ممكن تلصقيه عليها.