7 طرق لتوسيع ”الجزم” من المنزل

كل بنت ممكن تشتري، أحذية كتير وتركنها من ضيقها، وساعات بيعجبنا، حاجات كتير جدا بس المقاس اللي بيمنعنا، وممكن بحيل بسيطة جدا نوسع الأحذية.

• استخدمي الاستشوار لتوسيع "الجزم" الجلد، هتلبسي "شرابات" وبعد كدا تلبسي "الجزمة"، وتشغلي الاستشوار وتوجيه للـ"الجزمة".
• حطي كيس مليان شوفان وعليه مياه سخنة وحطيه جوا "الجزمة" لمدة يوم كامل.
• قشري بطاطس على أد حجم "الجزمة" وحطيها جواها، ودا هيوسعلك الجزمة.
• حطي كيس مليان مياه في أول "الجزمة"، ودخلي الجزمة الفريزر، ومتخرجهوش غير بعد ما يتحول لتلج جوا "الجزمة".
• البسي الجزمة طول ما أنتي قاعدة في البيت، دا ممكن يزودها شوية.
• ممكن تكوري "الشرابات" داخل بعضها وتحطيها في أول "الجزمة" دا هيساعدها أنها توسع.
• ممكن كمان تجيبي القوالب الجاهزة اللي بتتباع عند اللي "بيصلحوا الجزم"، ديه هتساعدك جدا على توسيع "الجزمة".