أهم 5 فوائد تجميلية للنشا

"النشا" من أهم الحاجات اللي دايمًا بتكون موجودة في مطبخ أي بيت مصري، نظرًا لكون "النشا" جزء مهم من مُعظم الطبخات بس إللي معظم الناس مش عارفينه إن "النشا" ليها فوائد تجميلية مُهمة جدًا.

ومن أهم فوائد "النشا":

1- تساعد على التخلص من قشرة الشعر: وده لأنها بتساعد على التقليل من الإفرازات الدهنية الزيادة لفروة الرأس واللي بتساعد على تكون القشرة.

طريقة الاستخدام: حطي كمية معقولة من "النشا" على فروة رأسك  (حطي الكمية على حسب طول شعرك) وبعدها حطي ميه دافيه عليها وادعكي شعرك ببطء لمدة 5 دقائق وبعدين اشطفي شعرك.

2- تساعد على تفتيح المناطق الداكنة في الجسم: وده لأنها بتقدر تنقي الجسم من الشوائب اللي بتسبب السُمرة في الجسم وتحديدًا في الأماكن الحساسة.

طريقة الاستخدام: اخلطي 3 معالق كبيرة من النشا مع معلقتين من مية الورد وحطيهم على المناطق الداكنة وكرري الخلطة دي يوميًا عشان تقدري تتخلصي من الاسمرار بشكل أسرع.

3- بتقلل من ظهور الحبوب: سواء في الجسم بعد إزالة الشعر أو في الوجه، وده لأن النشا ليها فاعلية قوية في علاج مشاكل الجلد وتنقيته.

طريقة الاستخدام: اخلطي كمية معقولة من النشا مع كمية بسيطة من الميه وحطيهم على وشك والأماكن اللي فيها حبوب في جسمك وسيبيها لمدة نص ساعة واغسليها بعدها بميه فاترة.

4- بتساعد في التقليل من مسام البشرة الواسعة:

وده لأنها بتساعد على تنقية البشرة من الشوائب بالإضافة إلى إنها بتساعد على شد الوجه.

طريقة الاستخدام: اخلطي معلقة كبيرة من النشا مع معلقة مية ورد وحطيهم لمدة 20 دقيقة على بشرتك واغسليها بعدها بميه باردة.

5- وأخيرًا، تساعد على حرق الدهون:

وده لأنها بتساعد على زيادة معدل الأحماض الأمينية في الجسم واللي بدورها بتنظم عملية التمثيل الغذائي وبالتالي بتساعد على حرق الدهون.