8 أطعمة تعمل على تحسين مزاج المرأة

8 أطعمة تعمل على تحسين مزاج المرأة

ضغوط الحياة ومشاكلها بتجبرنا ساعات كتير على الاكتئاب والزعل، بس بقى في قاعدة أساسية دلوقت لما لما تكتئب تأكل، وبقى شعارنا الأساسي كل أما نضايق شوية نلجأ للبطاطس وللشيكولاتة.

احكي جمعتلك شوية أكلات بتحسن مزاجنا كبنات ..

1- الأسباجتي

المكرونة الأسباجتي تعتبر عشق للبنات وفي دراسات كتيرة اتعملت عليها وأكدت أن احتوائها على كمية كبيرة من الكربوهيدرات اللي بتعمل على رفع معدل هرمون "السيروتونين" المُتسبب في عامل السعادة.

2- التوت

يحتوي التوت على فيتامين C وكمان مواد مضادة للأكسدة وهي المواد المفيدة جدا في علاج الاكتئاب وبعث السعادة.

3- الموز

يعتبر الموز فاكهة محببة للصغار وللكبار كمان، وأثبتت الدراسات أنه مُسبب للسعادة لأنه بيحتوي على مادة "التروبتوفان" المُسببة لإفراز المخ لهرمون السعادة.

4- الكريز

بيحتوي الكريز على مادة "الأنثوسيانين" اللي ليها دور كبير في تهدئة الأعصاب وتخفيف الآلام، وأثبتت الدراسات أن تناول 10 حبات كريز يفوق مفعول تناول أدوية الاكتئاب.

5- السالمون

بيحتوي السالمون على أوميجا3 اللي بتسبب للفرد الإحساس بالسعادة، وأثبتت الدراسات أن تناول السالمون بيحصنك من الإصابة بالاكتئاب بنسبة 70%.

6- البطاطس

طبعا دي علاجنا كلنا ضد الاكتئاب، يجي إيه الاكتئاب جنب طبق بطاطس في نص الليل، فنأكل كتير بطاطس ومش مهم نتخن.

7- الآيس كريم

الآيس كريم بيحتوي على مادة البروتين واللي بتزيد من إفراز أنزيم التيروزين  اللي بيحسن المزاج و بيجدد الطاقة.

8- الشيكولاتة

بتحتوي الشيكولاتة على مادة الثيوبرومين اللي بتساعد على إفراز هرمون السعادة، وبتساعد كمان على تهدئة الجسم.