20 لحظة سعادة.. صغيرة لكن عظيمة

السعادة هي السر اللي البشر بيعيشوا يدوروا عليه، ممكن مايحسوش بيها لأنهم منتظرين أحداث كبيرة تحققها، وبيغفلوا اللحظات السعيدة الصغيرة اللي بتمر عليهم طول الوقت، بسبب التعود أو لأنها بسيطة.. جمعنالكم جزء من اللحظات دي.. وهي:
1-لحظة خلع الحذاء بعد مشوار طويل.
2-أول معلقة شوربة دافية ولذيذة في البرد.
3-لما تلاعبي طفل ويضحك.
4-لما تسمعي طفل بينادي اسمك لأول مرة/ ولما يقولك بحبك.
5- لحظة معرفة عقدة الفيلم أو الرواية.
6-لما تليفونك يقع ومايتكسرش.
7-لما تصحي فاكرة إنك اتأخرتي وتلاقي لسه قدامك وقت تاني للنوم.
8-لحظة وصول الأكل في المطاعم.
9-لحظة رجوع الكهربا بعد انقطاعها.
10-آخر حتة في آيس كريم الكونو.
11- لحظة وصول رسالة من الشخص المنتظر.
12- لما البيبي ينام بعد الزن.
13-لحظة الوصول للسرير بعد يوم مرهق.
14-لما تشوفي الأوضة بعد التنظيف.
15-لما تلاقي فلوس في الهدوم المركونة.
16- لحظة الدخول لمكان مكيف في الصيف.
17-لحظة نزول المطر/ ولحظة شروق الشمس بعده.
18-هدية حلوة غير متوقعة.
19- لحظة النظر للسما والقمر بدر.
20- آخر يوم في الامتحانات.

الهدف من الموضوع ده إنكم تفتكروا إن السعادة ماحوطنا في كل الحاجات البسيطة المريحة.. اتبسطوا بوجودها.