الحكومة على ”الفيسبوك”

الفيسبوك دلوقتي بقينا عايشين عليه تقريبًا، وفيه بنات كتير مننا بتسجل لحظاتهم اليومية على الاكونت الخاص بيهم، دا كله عادي، اللي مش عادي أن تكون "الست الوالدة" بين قائمة الأصدقاء، هي مش بس بتابع اكونت بنتها على الفيس، ديه بتابع كل خطوة لبناتها على الفيس سواء عملت لايك لصورة مين أو عملت كومنت عند مين ويا سلام لو كان الكومنت دا عند ولد بقا يبقى السهرة هتكون صباحي، احكي عرفت من مجموعة بنات يعني أيه الوالدة تكون عندهم على الفيسبوك.

أي حاجة هزار لازم تتحول لدراما وتنتهي بكلمة "ربنا يهديكي".

ماما وصحباتها لازم ألاقيهم في أي بوست عندي حتى لو ملهمش علاقة بيه.

العائلة كلها لازم تعرف خط سير حياتي من مامتي .

مامتي عاملة الفيسبوك مهمتها الأدعية بس.

الفيسبوك خسرني مامتي ومرة سبت البيت خالص بسببه.

أساميهم اللي بتحرق الدم على الفيس "عبورة وغدودة".

هطفشي العرسان بالمنشورات اللي بتنزليها على الزفت الفيس.

بيتعملي اجتماعات عائلية كل يوم بسبب الفيس.