8 طرق لتتخلصين من رائحة القدم الكريهة

أوقات كتير بتواجهنا مشكلة وجود رائحة كريهة للقدم، وبتسبب لنا ضيق وإزعاج، خاصة، وقت الزيارات والوجود في منازل الأصدقاء، وبيكون الوضع غير مريح لما متعرفيش السبب الحقيقي للرائحة.

رائحة القدم ليها مصطلح طبي اسمه "برومودوسيس"، وبتحصل بسبب البكتيريا والرطوبة وخلايا الجلد الميتة، عشان كده لازم تكوني على وعي بالطريقة المناسبة للتخلص منها.

دي مجموعة من الطرق اللي ممكن تفيد في التخلص من رائحة القدم الكريهة:

1. الاعتماد على ارتداء الشراب تحت الأحذية، يعني مينفعش نلبس أي نوع من الأحذية من غير الشراب، خاصة، المصنوعة من مواد بتشرب العرق، لأنها هتقلل الرائحة، وتغييرها سهل.
2. خامة الأحذية كمان ليه دور كبير في رائحة القدم، سواء بالتخلص منها أو زيادتها، فالأفضل اختيار الأحذية اللي بتسمح بالتهوية، وخامتها بتمتص العرق.
3. التبديل بين الأحذية والشرابات، من الممكن ارتداء حذاء، وتغييره بواحد تاني في اليوم اللي بعده، عشان يكون فيه فرصة لتهوية الحذاء، وفي ناس بتعاني من زيادة العرق، من الممكن أنها تغير الشراب بواحد تاني خلال النهار.
4. تغيير فرش الحذاء نفسه من وقت للتاني.
5. الاهتمام بنظافة القدم، وتقشير خلايا الجلد الميتة، اللي بتتغذى عليها البكتيريا.
6. نقع القدم في ماء ساخن بالملح لمدة 20 دقيقة، هيخلصك من رائحة القدم ويريح رجلك بشكل عام.
7. استخدام الخل مع الماء الدافئ لتطهير القدم، ونقعها لمدة 10 دقائق تقريبا.
8. ممكن الاتجاه لاستخدام مزيل العرق المخصص للقدم، أو استخدام النشا كبديل له.

مترجم