”بصل بدون دموع”.. حيل لتقطيعه

بتظل مشكلة تقطيع البصل مشكلة بتأرق معظم السيدات، وخصوصا البنات الصغيرة والمتزوجات حديثا، تكوني بتقطعي البصل في أمان الله تلاقي حد داخل عليكي المطبخ بيقولك، أنتي مالك بتعيطي ليه؟ وتفضلي تحلفي إنك مش بتعيطي، وأنه البصل هو السبب.

عشان تتخلصي من دموع البصل، "احكي" جمعتلك شوية حيل لتقطيعه:

1-   من الممكن تحطي ليمون على السكينة وأنتي بتقطعيه، هتلاحظي أن مفيش دموع مطلقا.

2-   ممكن تقطعي البصل تحت المياه أو في الاماكن الواسعة اللي تهويتها أفضل، لأن مساحات الهواء الفاضية بتمنع الدموع تمامًا.

3-   حطي خل على السكين والبصل ولوح التقطيع، هيمنع الدموع تمامًا لأن الخل يمنع الإنزيم الُمسبب للبكاء.

4-   امضغي لبان وأنتي بتقطعي البصل، هيمنع الدموع.

5-   املي طبق ماء فاتر وقطعي البصلة نصين، واتركيها مثلا 10 دقائق وبعدين ابدئي قطعيها.

6-   ممكن تبقي حيلة كوميدية شوية، بس على العموم هي بتمنع البصل، وهي إنك تلبسي نظارات غطس وأنتي بتقطعي البصل.

7-   ممكن تجمدي البصل في الفريزر وبعدين تقطعيه، التجميد بيمنع الدموع، لكن بيفقد البصل نكهته الأساسية.

8-   وأنتي بتقطعي البصل اتنفسي من فمك، مش من أنفك، لأن الحيلة دي بتمنع وصول الإنزيم المسبب للدموع لأعصاب الشم الموجودة.

9-   صفري وأنتي بتقطعي البصل أو دندني، لأن الحيلة دي بتمنع وصول الغاز المسبب للدموع لعينيكي، فبالتالي هيمنع نزول الدموع.

10-  ممكن نأكلي خبز وأنتي بتقطعي البصل، وامضغيه بسرعة عشان يملأ فمك، الحيلة دي مفيدة جداً في عدم تكون الدموع.