إقتراحات لأماكن تتراح ليلة رأس السنة

مع قرب احتفالات رأس السنة كتير مننا بيكون مش عارف يروح فين للاحتفال رغم وجود أماكن كتيرة ممكن يتقضى فيها اليوم ومنها :

1-The Gatspy Masquerade في علبة ألوان في الزمالك

واليوم هيكون ترفيهي فيه غناء ومزيكا ورقص وتكلفة الحفلة هتكون  450جنيه لو حجزت قبل يوم 29 وهتكون  500 جنيه لو حجزت بعد كدة شاملة كل المصاريف والحجز هيكون على الأرقام دي:510 560 01018\01153335142

دخول الحفلة غير مسموح للي أقل من 21 سنة والدخول هيكون الساعة 7 والحفلة هتبدأ 8 ولبس الحفلة لازم يكون فورمال ولازم يكون معاه "mask" .

 

2- إذا كنتِ من مُحبين سماع الشعر وبالذات شعر"هشام الجخ" ف ساقية الصاوي بتوفرلك حضور حفلة ليه يوم 30 ديسمبر الساعة 7 وأسعار تذاكر الكراسي : 100،150،200 جنيه وسعر تذكرة الوقوف : 50 جنيه والحجز هيكون عن طريق شباك الساقية أو من الرابط دة : http://culturewheel.e7gezly.com/eng/events/events/view/2828/3492?referer=http%3A%2F%2Fculturewheel.com#booking

3-  إذا كنتِ من مُحبي "مايا دياب" و"حكيم"و الديفا "سميرة سعيد " فيمكنك حضور حفلة بتجمع ال 3 في فندق كيمبنسكي بالتجمع الخامس بأسعار تذاكر 2000 و 2500 جنيه للمقاعد العادية سواء الأمامية أو الخلفية وبسعر تذكرة 4000 جنيه لل VIP بشرط الدخول بالملابس الرسمية والكابلز فقط ويمكنك الحجز بمقر ال "سميراميس " بالتحرير.

4- لو عايزة تقضي يوم مُختلف وتحديدًا في الأوبرا ممكن تحضري حفلة أوركسترا القاهرة السيمفوني إللي هتقام في القاعة الرئيسية للأوبرا بالزمالك والحفلة هتبدأ الساعة 7 مساءًا وتقدري  تعرفي أسعار التذاكر وتحجزي على الرابط دة : https://e7gezly.com/events/new-year-concert/

 

5- لو كنتي من متابعين المزيكا المستقلة ممكن تحضري حفلة "فؤاد ومنيب " في مسرح الجمهورية  بجوار قصر عابدين التابع للأوبرا و التذاكر أسعارها 50 جنيه لوج وبلكون و 75 جنيه صالة وبنوار وممكن تشتري التذاكر سواء من شباك مسرح الجمهورية أو شباك دار الأوبرا .

6- لو عايزة تقضي ليلة رأس السنة بشكل شعبي بس  ممكن تقضيه في فندق "انتركونتننتال سميراميس" وإللي هيحيه طارق الشيخ وعصام كاريكا وعبدالباسط حمودة بمشاركة الفنانة دينا والراقصة سهر وتتراوح أسعار التذاكر من 2500 جنيه ل 4500 شاملة العشاء ولايشترط لبس مُعين لدخول الحفلة والحفلة هتبدأ الساعة 11 .

 

7- ممكن تحضري حفلة في فندق "نايل كارلتون" لوائل جسار والمطربة الشعبية أمينة والمطرب الشعبي محمود الليثي بالمشاركة مع الراقصة صافيناز وسعر الحفلة بيتراوح بين 2500 ل 5000 جنيه.

8- ممكن تحضري حفلة" محمود الليثي" و" بوسي"  في فندق "سيتي ستارز" وتذاكر الحفلة بتتراوح بين 2500 ل 5000 جنيه .

9- وأخيرًا ممكن تحضري حفلة  فندق "كونراد القاهرة " واللي بيحيه "حكيم" بمشاركة "صافيناز" وبيشاركهم في إحياء الحفلة "بوسي " و"يسرا"و"عمرو ربيع".