أكتر Memes اتشهرت في 2017

2017 زي ما كانت سنة مليانه بالأحداث المهمة على الصعيد السياسي والإقتصادي والإجتماعي والفني كانت برضه سنة مليانه ب "قفشات السوشال ميديا" إللي كلنا فضلنا نكرر فيها طول السنه ومن أبرز القفشات دي :

 

1- جُملة " أنا كدة استفدت ايه " وإللي قالها رئيس نادي الزمالك مُرتضى منصور في لقاء تليفزيوني ومتابعين "السوشال ميديا" طبعًا استغلوها كمادة خام للسخرية على أكتر من موضوع .

2- جُملة " مش متابع والله " وإللي قالها لاعب الزمالك والمنتخب "باسم مرسي" وبرضه استخدمت كمادة خام للسخرية على كتير من المواضيع .

3- "أنا لا متضايق ولا نيلة" وإللي قالها الفنان عادل إمام في فيلم " بوبوس " وانتشرت بشدة في  شكل "كوميكس " على الفيس بوك .

4- "أحلى … ولا ايه ؟" ودي جملة تداولها رواد مواقع التواصل الاجتماعي سواء بشكل ساخر أو بشكل عادي مُتكرر.

5- كابشن " لما حد يقولك إنت متفائل على طول كدة ليه " أو "إنتي بتاكلي كتير ليه " وتحته فيديو للفنانة "فيفي عبدة" وإللي على الرغم من إنه ظهر في أواخر السنة إلا إنه زاد تداوله بين مُعظم رواد الفيس بوك .

6- "والله أخد شنطتي و أمشي" ودي إتقالت على لسان الممثل الشاب "إسلام إبراهيم" في واحدة من حلقات " SNL بالعربي" وزاد تداولها بين رواد الفيس بوك وخاصة البنات وبالتحديد عند سخريتهم من موقف حياتي مروا بيه وتمنوا لو إنهم يقولوا " والله أخد شنطتي

".

7- "إبن النادي ترارارا " ودي جُملة إتقالت في إعلان من إعلانات رمضان اللي فات على لسان مجموعة من لاعبي النادي الأهلي لزميلهم "رمضان صبحي" وعلقت في ذهن ناس كتير سواء بشكل عادي أو بشكل ساخر .