11 وجه جديد خطفن الأنظار في 2017

ماراثون الدراما والسينما، هي الفرصة الذهبية لأي ممثلة لأنها ببساطة تقدر من خلاله تحط أول بصمة ليها ، كتير من النجوم الكبار دلوقتي كانوا في بداياتهم وجوه جديدة وصغيرة ، لكنهم قدروا يترقوا ويوصلوا للصفوف الأولى زي أحمد السقا ومنى ذكي وياسمين عبد العزيز وغيرهم ..

2017 كانت سنة مليانة وجوة جديدة ، وطلعت تصاريح كتير من منتجين وممثلين أن السينما و الدراما دلوقت معتمدة اعتماد كلي على الوجوة الجديدة زي مسلسل سابع جار مثلا .

احكي جمعتلكم أبرز النجوم اللي ظهروا في 2017 ..

1-  ياسمين غيث

 

برزت ياسمين في مسلسل حلاوة الدنيا مع هند صبري في رمضان اللي فات، لكن ياسمين كان سبب شهرتها مش المسلسل ، كان في عامل انساني غير ده ، ياسمين مصابة بسرطان الثدي من 2016 بس بسبب اصرارها وعزيمتها قدرت تتغلب عليه ، بتحكي في حوارات كتير ليها انها أصلا مكنتش مهتمة انها تدخل الفن ودراستها بعيدة كل البعد عن الفن، بس بعد نجاحها علي السرطان بدأت تعمل حملات توعية علي فيسبوك والمنتج محمد مميش عرض عليها تشارك في المسلسل وطبعا وافقت.

2- سلمي أبو ضيف

سلمى برضو شاركت في مسلسل حلاوة الدنيا 2017 ومسلسل لا تطفيء الشمس ، عندها 23 سنة وبتدرس اعلام وقبل التمثيل فهي برضو عارضة أزياء .

3-   سارة عبد الرحمن

سارة اتشهرت جدا بعد مسلسل سابع جار على الرغم انها كانت مع احمد حلمي في فيلم ألف مبروك وكمان في مسلسل لا تطفيء الشمس ، بس بسبب شهرة مسلسل سابع جار وتأثيره على أكبر فئة من المصريين، كانت شهرتها معاه واتحولت من وجه جديد لنجمة صف أول.

4-   مريم الخشت

برزت مريم في دورها في مسلسل "لا تطفيء الشمس"، طلع عنها تصاريح مثيرة للجدل زي انها من اكثر المدافعين عن حقوق "المثييلين" في العالم وهي قبل ما تبقي ممثلة كانت بتدبلج أفلام لشركة ديزني.

5-   أسماء أبو اليزيد

ظهرت أسماء في دور "تقى" في مسلسل هذا المساء، بس كانت بدايتها في المسرح واخذت جوايز كتيرة جدا وكان اول عرض ليها اسمه "الحياة جميلة في فنون جميلة".

6-   سارة الشامي

 

ظهرت في مسلسل "كلبش" في رمضان وشاركت برضو في مسلسلات تانية زي الأب الروحي والخانكة وبتقدم برنامج في راديو 9090 اسمه"بابي سيتر".

7-   ركين سعد

 

جسدت دور "مليكة" في مسلسل واحة الغروب، كارولين أردنية وبدايتها كانت على المسرح في سن الـ 10 سنين وكمان أخدت على موهبة الملكة رانيا في التفوق عام 2006.

8-   كارولين عزمي

سلمى العطار ، شاركت في مسلسل الأب الروحي في 2017 وشاركت في مسرح النهار في عروض زي بوجي وطمطم والحب في قلب هضبة الهرم.

9-   هاجر الشرنوبي

شاركت في مسلسل كلبش ومسلسل كفر دلهاب ورغم ان اخوها محمد الشرنوبي إلا أنها فضلت انها تعتمد على نفسها في الوصول للتمثيل.

10-  مها نصار

مها شاركت بدور نعمة  الجارية في مسلسل واحة الغروب، وعلى الرغم انها شاركت في اعمال مختلفة قبل كدة إلا ان واحة الغروب كانت نقطة انطلاقة حقيقة ليها.

11-  أسماء جلال

شاركت أسماء في 3 أعمال  السنة دي زي الأب الروحي وكلبش وظل الرئيس ، قبل ما تتجه للتمثيل أسماء كانت عارضة أزياء للمحجبات.