أشهر أغاني بداية الألفينات

بداية الألفينات في مصر والعالم العربي شهدت ظهور نمط جديد من المزيكا، لاقى رواج كبير بين بعض الناس والبعض التاني رفضه تمامًا لكون مُعظمه "جريء ومُختلف عن المُعتاد".

من أشهر الأغاني اللي علمت مع الناس ولسه معظمهم فاكرها لحد النهاردة:

1- أخاصمك آه - نانسي عجرم

ودي كانت بداية شهرة "نانسي عجرم" في الوطن العربي كله.

2- العب - ماريا

والأغنية دي رغم مزيكتها الحلوة وكلماتها الخفيفة اللي بتستحضر حالة من النوستالجيا، إلا إن فيها الكتير من المشاهد الجريئة.

3-أمي مسافرة - MTM

رغم إن فرقة "MTM" مقدمتش غير أغاني قليلة جدًا لكن أغانيها فضلت معلمة مع الناس وبالذات الأغنية دي.

4-مجنونة - محمود  العسيلي

طريقة أداء "العسيلي" عمومًا وفي الأغنية دي خصوصًا هو اللي حط اسمه في قائمة المُطربين المُختلفين اللي الناس بتتابعهم بشغف.

5- كريم أبو زيد - لون شعرك

مزيكا الأغنية وطريقة غناء "كريم" خلت من الأغنية شيء لطيف ويمكن تكراره من غير ملل.

6- هما مالهم بينا يا ليل - هيثم سعيد

ألحان الأغنية وطريقة تصوير الفيديو كليب، اللي بيشبهوا مشاهد حياتية يومية في الشارع المصري خلوا الأغنية ليها شكل مُحبب للناس.

7-  لسه - حسام حبيب.

طريقة تصوير الفيديو كليب والألحان وصوت "حسام حبيب"، رسموا للناس صورة رومانسية لطيفة أتمنى معظمهم إنه يعيشها.

8- آه يا عين يا ليل -لؤي 

ودي كانت بداية قوية جدًا لـ "لؤي".

9- بتضحك - محمد حماقي 

ومن خلالها حقق حماقي نجاح مُبهر جدًا رغم كونها أول أغنية ليه.

10- وأخيرًا، ليه بيداري كدة -روبي 

 واللي لحد النهاردة الأغنية دي ليها شعبية كبيرة جدًا.