أشهر أغاني المناسبات

الأغاني غالبًا ما بترتبط مع مُعظمنا بذكريات كتيرة على مدار العمر، وبتختلف ليستة الأغاني المُفضلة من شخص للتاني، لكن في نوعية مُعينة من الأغاني مبيختلفش عليها اتنين وهي "أغاني المناسبات".

من أشهر الأغاني دي:

1-وحياة قلبي وأفراحه - عبدالحليم حافظ

ودي مفيش بيت مصري مشغلهاش وقت نجاح حد من أفراده في أي شهادة تعليمية.

2- رمضان جانا - عبدالمُطلب

رغم تعدد الأغاني اللي بتتكلم عن بهجة شهر رمضان بتفضل "رمضان جانا" ليها مكانة مُميزة عند مُعظم الناس.

3- أهلًا بالعيد - صفاء أبو السعود

ودي الأغنية الرسمية للأطفال على مدى أكتر من جيل للتعبير عن فرحتهم بالعيد.

4- يا ليلة العيد- أم كلثوم

ودي الأغنية الرسمية للكبار والصغيرين للتعبير عن فرحتهم بالعيد.

5- يا دبلة الخطوبة - شادية

واللي غالبًا مفيش شخص مشغلهاش في خطوبته.

6- انزل يا جميل عالساحة - وليد توفيق

ودي الأغنية الرسمية لأي عيد ميلاد مصري.

7- ادلع يا عريس- ليلى نظمي

الأغنية دي هي الراعي الرسمي لأي زفه شعبية أو أي زفة ريفية.

8- ماما زمانها جايه - محمد فوزي

الأغنية دي عاصرت كل الأجيال وحبها كل الأجيال نظرًا لمزيكتها الخفيفة وصوت محمد فوزي الحنون اللي ساهم مع المزيكا في خلق جو حلو مُحبب للأطفال.

9- والله وعملوها الرجالة - حمادة هلال

ودي الأغنية اللي من خلالها بيحتفل المصريين مهما اختلفت انتمائتهم الكروية بعد أي انتصار كروي.

10- يا بلادي - رامي جمال وعزيز الشافعي

ودي أكتر أغنية بتعبر عن ثورة 25 يناير وبتعتبر عزاء لأرواح شهدائها.

11- صباح الخير يا سينا - عبدالحليم حافظ

والأغنية دي مهما مر عليها من سنين مبتقدمش لأنها ببساطة بتخلد حرب أكتوبر المجيدة.

12- وأخيرًا، أصله معداش على مصر - شادية

ودي من أكتر الأغاني الوطنية المُحببة لقلوب المصريين.