5 أفلام ”إنسانية” أثرت في مشاهديها

 

 

الأفلام بتضحكنا وتبكينا في نفس الوقت، وإحنا مش حاسيين، وغصب عننا بنلاقيها بتأثر في شخصياتنا وانطباعاتنا، "احكي" قررت تسأل البنات عن الأفلام اللي كانت بتتمحور حوالين قصة إنسانية وأثرت في شخصياتهم.

 

1- Bajrangi Bhaijaan

 

الفيلم من بطولة سلمان خان، بيتكلم عن بنت صغيرة باكستانية راحت الهند مع والدتها، ولكنها تاهت، ويشوفها سلمان خان، ويسألها عن اسمها ولكن بيكتشف أنها بكماء، فيحاول يساعدها طول الفيلم أنه يوصلها لأهلها في مُغامرات صغيرة، رغم الخلافات اللي بين بلده الهند وباكستان.

2-The Pursuit Of Happiness

 

الفيلم من بطولة ويل سميث، وبيتكلم عن معاناته مع طفله بعد ما زوجته تتركه، وده بيخليه يتعلم وظيفة جديدة عشان يقدر يساعد ابنه أنه يعيش حياة كريمة.

3- The Blind Side

الفيلم من بطولة ساندرا بولوك، وبيتكلم عن ولد ذو بشرة سوداء تم اتهامه بالسرقة وملقاش تعليم كويس، فترعاه أسرة بيضاء وتساعده على اكتشاف نفسه ومواهبه من تاني، ويبقى أفضل لاعبين كرة القدم الأمريكية على مر التاريخ.

4-Tara Zameen Par

الفيلم من بطولة عامر خان النجم البوليودي، الفيلم بيتكلم عن طفل صغير مصاب بمرض مبيقدرش منه يتعلم القراءة والكتابة، فبيدخلوه مدرسة داخلية وهنا بيقابل عامر خان، وحياته تبدأ تتغير.

5-Wonder

الفيلم من بطولة جوليا روبرتس، وبيتكلم عن طفل ولد مشوه وقام بـ 27 عملية، وكان لحد 6  ابتدائي بيتعلم في البيت، ولكن أهله بيقرورا يدخلوه مدرسة عادية في محاولة منهم أنه يبقى طفل طبيعي ومن هنا بيبدأ الفيلم.