حاجات تخليكي تاخدي الخطوة الأولى وتعترفيله بإعجابك

"ازاي نطقها لساني يا ريتني ما قولتله" بالطريقة دي عبرت أصالة عن فكرة يمكن تكون مش موجودة في مجتمعنا أوي، وهى أن البنت تاخد الخطوة الأولى وتعترفي للولد اللي بتحبه أنها معجبة بيه. الكراش، حب من طرف واحد، اللي بحبه مش داري بيا، كلها مصطلحات لهذا الشكل من العلاقة. بس الدنيا اتغيرت، ومابقاش دلوقتي نغمة الندم اللي في أغنية أصالة موجودة، بمعنى أن في أسباب كتير تشجع البنت أنها تروح تقول للكراش أنها معجبة بيه. بس ايه هى الأسباب دي؟

هل أخبره بحبي له

لو لسه بتسألي السؤال ده، دول 7 حاجات بسيطة وسهلة هيشجعوكي...

1- الدنيا صغيرة قد كده والعمر قصير

الحياة اختيارات، واللي مش قادرة تاخدي فيه قرار دلوقتي ممكن يتغير في لحظة ويصعب عليكي القرار. والعمر لحظة حضرتك ومافيش وقت، فمش لسه هنبدأ من مرحلة التلميح وسأل عليا ولا لأ ويا ترى لفت نظره ولا أخد باله من التسريحة الجديدة! الإنجاز سر السعادة صدقيني، روحي بكل شجاعة عبري عن إعجابك وامشي. وهتعرفي الرد بعدها طبعا.

via GIPHY

2- الأمل شىء خطير يا عزيزتي

بلهجة أفلام الأبيض والأسود يا هانم، الأمل ده شىء صعب وبيقتل أحيانا بالبطيء. الأمل في أنه يبادلك الحب، أو أنك تفضلي مستنياه يعترف بأي حاجة. الأمل بيكبر جواكي الحب اللي بيبدأ بإعجاب، ويخلي يتطور، فمن الأول تروحي تقوليله عشان ماتفضليش تفكري كتير وتتعشمي وتتخيلي وتسألي نفسك هيحبني أو بيحبني ولا لأ. استهدي بالله وروحي قوليله. طلع بيحبك خير وبركة ماطلعش ها هنعمل ايه يابنتي!

اقرئي أيضا: تعرفي على خطوات التخلص من الحب من طرف واحد

via GIPHY

3- الأوفر ثينكنج يا سعاد

عارفاه؟ التفكير الكتير، اللي بياكل دماغنا بعد الساعة 12... وقبلها والله مش فارقة! يا ترى بيفكر فيا؟ مين اللي كلمته النهاردة وضحكت معاه؟ أنا ليه مشدودة ليه؟ ليه كل حاجة حلوة عمرها قصير! أسئلة وجودية كتير بقى وتفكير مش هيوصلك لحاجة. حاجة مُرهقة جدا نفسيا وفكريا كمان، لأن مشاعرنا بتاخدنا في حتى يمكن تكون بعيدة شوية عن المنطق، والعقل ساعات كتير مش بيبقى ليه سلطان ع القلب.

via GIPHY

4- أقصر طريق بين نقطتين خط مستقيم كده

مش أحسن من المراقبة اللي بتعمليها كل يوم على بروفايله؟ مش أحسن من صاحبتك اللي عمالة تديكي نصايح مش بتجيب نتيجة؟ مش أحسن من العشم اللي ممكن يطلع ولا حاجة؟ الوضوح دايما أحسن من أي حاجة ضبابية، والعلاقات الواضحة بتبقى صحية أكتر.

اقرئي أيضا: 7 علامات تدل على إنك في علاقة ريبوند مش حب حقيقي

via GIPHY

5- هتهربي من الفريند زون

الفريندزون وفي لغة أخرى منطقة الصداقة بتبقى حاجة كده أبشع من كوبري أكتوبر الساعة 2 الضهر! لو مالحقتيش واعترفتي باللي جواكي ممكن تدخلي وماتعرفيش تخرجي تتحبسي جوة. يفضل بقى يعاملك زي أخته  أو زميلته والموضوع هيكبر بقى ومش هتعرفي تلميه. طب ليه! ما نتفادى كل ده ونروح نقول على طول.

via GIPHY

6- لو اترفضتي سو وات؟

7- تجربة مختلفة

فكري فيها كحاجة مش تقليدية ومختلفة، شعور ماحسيتهوش قبل كده. كتير ناس الولد هو اللي بياخد الخطوة الأولى وبيعترف للبنت أنه معجب بيها. طب منين هنعرف هيحصل ايه لو ماجربناش؟ لازم حد ياخد الخطوة ويبدأ عشان يقولنا هيحصل ايه. وفي الآخر هتبقي عيشتي تجربة كويسة اديتك خبرة سواء اتقبلتي أو اترفضتي. عيشي قرارك زي ما تحبيه.

via GIPHY

اقرئي أيضا: خناقات يومية بين العقل والقلب محتاجين نحسمها

8 دروس في العلاقات ألهمتنا بها أفلام هاري بوتر

7 دروس من علاقة مونيكا وتشاندلر في مسلسل فريندز

مصدر الصورة الرئيسية