نصائح للحفاظ على جمالك في الشتا

مع برد الشتا بتبدي البشرة تجف وتقشر ويحصل التهاب للبشرة الحساسة خصوصًا، وده مش لبشرة الوجه بس، ده بيحصل للجسم كله.. دي نصايح علشان تهتمي بجمالك في الشتا..

1-لبشرة الوجه:
- لازم تستعملي الكريم المرطب الصبح وبالليل، وعلى حسب درجة جفاف بشرتك بتختاري نوع الكريم من حيث تقله على البشرة وقوة ترطيبه.
-لازم تستعملي واقي للشمس حتى في الشتا، لأن أشعة الشمس البسيطة لها تأثير سلبي على بشرتك وبتسرع من ظهور التجاعيد.
-استخدمي مقشرات طبيعية للبشرة، واعتمدي على المقشرات المرطبة زي استخدام زيت الزيتون مع العسل والسكر مرة في الأسبوع.

2-اليدين:
-مهم تقشير بشرة الإيدين يوميًا بالسكر مع زيت الزيتون، ولازم الكريم المرطب يكون معاكي دايمًا وتحطي منه طول اليوم علشان ماتحسيش إن إيدك ناشفة.
-والأظافر لازم يكون لها جزء من التدليك اليومي بالكريم المرطب أو بزيت الزيتون، وخصوصًا قبل النوم.

3-القدمين:
-في الشتا ومع البرد، بتتعرض لجفاف أكتر.. اهتمي بعمل مساج يومي بكريم مرطب أو فازلين، مع التقشير مرتين في الأسبوع بعد حمام المايه واستخدام الحجر الخفاف.

4- الجسم:
-اختاري منتج مرطب للاستحمام، وبعده اللوشن، واعتمدي على المايه الفاترة في الاستحمام.
ولازم تشربي مايه علشان ترطيب الجسم من الداخل، وبما إن الجو برد بدليها بالمشروبات العشبية الدافية.