في العزومات الرسمية.. اتبعي اتيكيت أكل السمك

أفضل أماكن هي الأماكن اللي بنكون على راحتنا فيها، لكن في أوقات بيكون مطلوب مننا نمشي على اتيكيت المكان، خصوصًا في العزومات الرسمية الخاصة بالعمل.. علشان كده قررنا نعمل حلقات عن الاتيكيت حسب الأكلات والأماكن  وهنبدأ بالسمك لأنه من الأكلات الصعبة اللي لها طريقة اعرفيها علشان العزومة الجاية..

الخطوة الأولى.. استخدمي الشوكة والسكين المخصصين للسمك وهما أصغر من أدوات اللحوم، واقطعي رأس السمكة وذيلها.. ولازم تعرفي إنك لازم تاخدي سمكة كاملة وماتقسميهاش مع حد.

الخطوة التانية.. افتحي السمكة من جهة البطن علشان تبقى على شكل كتاب، وباستخدام الشوكة ارفعي هيكلها العظمي، وابدئي نضفي الشوك.

الخطوة التالتة.. ضعي الشوك على جنب الطبق وفي الجنب التاني اللحم، والأفضل إنك ما تبدأيش في الأكل غير لما تخلصي السمك من الشوك تمامًا وتبدأي في أكله.