5 نصائح للعناية بأظافرك

الأظافر جزء من مظهرك، والاعتناء بيها بيخلي شكل إيدك أحلى وده جزء من جمالك العام.. دي نصايحنا لأظافر أقوى وأجمل..
1- البرد بشكل مستمر مهم، ولازم تكون إيدك جافة تمامًا لأن البرد مع وجود أثر مايه بيضغف الأظافر.. ولازم يكون البرد في اتجاه واحد مش في الاتجاهين.
2-مرة في الأسبوع دللي أظافرك من خلال حمام زيت زيتون دافئ مع زيت فيتامين E.. فرغي كبسولتين من فيتامين إي مع زيت الزيتون وسيبي ضوافرك فيها 10 دقايق.
3-اختاري الأكل الصحي اللي فيه أوميجا 3 زي المكسرات وسمك السلمون، والحديد زي اللحوم الحمراء والسبانخ والتفاح والموز، والكالسيوم من منتجات الألبان.. وماتنسيش شرب كمية وافرة من المايه.
4-استخدمي أنواع معروفة من المانكير علشان تحافظي على صحة الأظافر لأن الأنواع الرديئة بتضعف الطبقة الخارجية، واستخدمي الأسيتيات بدل من الأسيتون لنفس السبب.
5- رطبيها يوميًا بالكريم ودلكيها لثواني ولا تنسي الجلد الموجود حول الظفر.
لكن لو استمر الإصفرار أو التشقق والتكسر لازم تزوري طبيب..