كيك البرتقال الدايت.. سعرات حرارية أقل

إذا كنتي حابة تخسري وزن لكن في أوقات بتحبي تكلي حاجات حلوة لكن الدايت بيمنعك وبتكون النتيجة إنك بتاكلي حلويات مليانة سعرات حرارية، دي وصفة هتساعدك تحافظي على الدايت أكتر.. استغلي موسم اللبرتقال واعمليها..

المقادير:
350 جرام دقيق قمح كامل
3 بيضات
100 جرام سكر دايت
1 كوب لبن رايب
1 كوب عصير برتقال
بشر قشر برتقالة
1 ملعقة فانيلا
1 ملعقة بيكينج باودر

الطريقة:
اكسري البيض وحطيه عليه الفانيلا واضربيه بالمضرب الكهربا كويس جدًا، وضيفي السكر بشكل تدريجي عليه، وبعدها ضيفي اللبن الرائب والبرتقال وبشر البرتقال واضربيهم شوية. على جنب في طبق تاني حطي الدقيق والبيكينج باودر مع رشة ملح وقلبيهم كويس، وضيفيهم بالمعلقة على خليط البيض والسكر وقلبيهم بمعلقة بالراحة علشان الهوا مايخرجش منها وتهبط.
سخني الفرن، وبطني صينية بورق زبدة وحطي الخليط فيها ودخليها الفرن على درجة حرارة 180 مئوية لمدة 30 دقيقة أو لغاية ما تستوي.. حطي في قلبها سكينة أو عود خشب ولو طلع نضيف تبقى استوت.