اعرفي أنواع وأسعار الفوط الصحية وتقييمها

"الفوط الصحية" هي المنتج الشهري اللي مفيش واحدة فينا بتستغنى عنه في وقت البيريود أو الدورة الشهرية، لها أنواع كتير واختيار النوع المناسب مش رفاهية لأن النوع الغلط بيسبب مشاكل جلدية والتهابات في منطقة البيكيني اللي بشرتها حساسة جدًا ومهم العناية بيها.. جمعنالكم أسعار وأهم أنواع الفوط الصحية، وقيمنها حسب آراء عدد من المستخدمات..

أفضل فوط صحية قطنية

*الأسعار ممكن تزيد أو تقل جنيه أو اتنين حسب المكان.

-فوط أولويز ماكسي/ ماكسي الليلية

10 فوط بـ 13 جنيه
ده من أشهر أنواع أولويز، فوط كثيفة للأيام الأولى من البريود خصوصًا، هي الاختيار الأول لكتير من اللي اتكلمنا معاهم، ومناسبة أكتر لفترات الليل. عيوبها..السماكة خصوصًا مع الملابس الضيقة، وإنها سببت حكة لكتير من المستخدمات.

اقرئي أيضًا.. 7 طرق بسيطة للعناية بجسمك تمنحك حياة أفضل

-فوط أولويز الوردية القطنية

12 جنيه وبعد العرض بـ7.50/ 10 فوط ب11 ريال في السعودية
دي مختلفة في إن الطبقة الخارجية مصنوعة من القطن مش زي باقي منتجات أولويز، المفروض إنها علشان البشرة الحساسة وفيها مرطب، هي ناعمة لكن التسريب فيها أكتر من الأنواع التانية.. وأكتر كلمة اتقالت عنها "بتكلكع" وإن كانت ناعمة فعلًا وبتقلل الحكة.

-فوط أولويز ألترا

7 فوط بـ 15 جنيه
رقيقة جدًا مش بتحسي بيها، وكانت اختيار عدد كبير من اللي بيقضوا فترات طويلة برا البيت، لأنها أقل في التسريب وخفيفة ومابتكلكعش.. لكن مشكلة الحكة كانت متكررة برضه.

اقرئي أيضًا.. خرافات يجب أن تعرفيها عن الدورة الشهرية

-فوط أولويز ألترا الماسية

7 فوط بـ15 جنيه/ 7 فوط بـ13 ريال سعودي
بتجمع مميزات كل أنواع أولويز، بإنها رقيقة وطويلة جدًا وبتوفر حماية ليلية أكبر.

-فوط برايفت الليلية

9 فوط بـ 11 جنيه/ 24 قطعة بـ 18 ريال سعودي
مصنوعة من القطن وغير مسببة للحكة. مشكلة الحجم والكلكعة كانت جزء من تقييم عدد من المستخدمات، لكنهم اختاروها كأفضل نوع في الأيام الأولى بفضل سماكتها.

اقرئي أيضًا.. أسباب تأخر الدورة الشهرية

-فوط برايفت ألترا

 فوطة بـ 48 جنيه/ 30 قطعة بـ 18 ريال سعودي30 
بتجمع بين كونها رقيقة وفي نفس الوقت قطنية ومابتسببش الحكة، بالإضافة لإنها عملية ومابتكلكعش.

-فوط سوفي ماكسي

8 فوط بـ 10 جنيه/ 
فوط سميكة قطنية، ضد الحكة ومناسبة للأيام الأولى، لكن حجمها زي كل أنواع الفوط الماكسي.

اقرئي أيضًا.. كيف تعتنين بنفسك أثناء الدورة الشهرية

- فوط سندريلا العادية/ الماكسي

العادية 9 جنيه/ الماكسي 10 جنيه/ 40 فوطة عادية بـ15 ريال سعودي
فوط طويلة قطنية غير مضغوطة، معظم المستخدمات قالوا إن مشكلتها التسريب بشكل كبير وإنها مابتوفرش حماية خصوصًا للي بيقضوا وقت طويل برا البيت.

-الفوط اليومية كير فري

20 فوطة بـ26 جنيه/ 34 قطعة بـ 17 ريال سعودي
فوط رقيقة جدًا بحجم صغير، بتستخدم للنظافة الشخصية، وبتحمي من الإفرازات خصوصًا.

يمكنك شراء النوع الذي تفضلينه من سوق مصر من هنا

يمكنك شراء النوع الذي تفضلينه من سوق السعودية من هنا

اقرئي أيضًا.. كيف يمكن ممارسة العلاقة الحميمة أثناء الدورة الشهرية؟

نصائح وقت الدورة الشهرية

1. يجب عليك تغيير الفوطة الصحية كل 6 إلى 8 ساعات، علشان تمنعي تكاثر البكتريا والفطريات وبالتالب ممكن تتسبب في التهابات مهبلية.
2. لا تستخدمي القماش مع الفوط الصحية علشان من الالتهابات.
3. اعتمدي على نوع فوط بدون رائحة لأن ده أفضل في تقليل الالتهابات المهبلية وعلشان العطور ممكن تسبب حساسية.
4. اغسلي المنطقة الحساسة بالماء الفاتر وجففيها جيدًا حتى أثناء فترة الحيض لمنع تكاثر الفطريات وانتقالها.
5. استخدمي غسول مناسب للمنطقة الحساسة وابتعدي عن استخدام الصابون العادي لأنه بيقتل البكتريا النافعة في هذه المنطقة.
6. في حالة النوم اختاري الفوط الصحية المخصصة لليل لأنها مصنوعة لامتصاص أكبر كم من الدم بدون بقع.
7. اغسلي المنطقة الحساسة من الأمام إلى الخلف علشان تتجنبي انتقال أي عدوى من فتحة الشرج للمهبل.
8. من الأخطاء الشائعة عدم الاستحمام أثناء الدورة، فيجب الاستحمام بالماء الدافئ لأنه يقلل من آلام الظهر ويخفف تشنجات الجسم.
9. احرصي على تناول طعام صحي وقت الدورة الشهرية لتعويضك بالعناصر الغذائية اللازمة.
10. ويجب الحرص على تناول المشروبات الساخنة خصوصًا القرفة والنعناع.

اقرئي أيضًا..

أعراض الدورة الشهرية وكيفية التغلب عليها

أفضل 4 طرق لتكبير الثدي طبيعيًا

وصفات طبيعية للحد من آلام الدورة الشهرية