مراحل الحب السبعة لو بتغنيلهم ”نانسي عجرم”

حقق فيلم "هبيتا" نجاح كبير جدًا، لأنه بيتكلم عن محور حياة البشر "الحب"، وكمان لأنه ضم مجموعة كبيرة من الفنانين، ومنهم "ماجد الكدواني" اللي قام بدور المحاضر في الفيلم، وشرح مراحل الحب السبعة.. بس لو المراحل دي بتشرحهم "نانسي عجرم" بدل "الكدواني" قتقول إيه:

1-مرحلة البداية
دي بتبقى لحظة الخطف والشعور إن ده الشخص المناسب للحياة.. لو غنتلها نانسي هتقول: "معجبة مغرمة أنا بقى مش عايزة اللي هو".


2-مرحلة الجنون
مرحلة بعيدة تمامًا عن المنطق، بيعمل فيها الطرفين تصرفات غريبة ومجنونة وغير متوقعة، وبتتوصف إنها أجمل مراحل الحب.. نانسي ممكن تقول فيها: "ما تيجي هنا وأنا أحبك.. حبيبي ده أنت الدنيا وأنا أموت لو غيري يمسك".

3-مرحلة الحلم
بيقرب الطرفين لبعض أكتر في المرحلة دي، وبتبقى بداية أحلامهم سوا.. نانسي هتقول فيها: "ما فيّ عيش إلا معك.. ما فيّ كون إلا إلك".

4-مرحلة الوعد
هنا بيبدأ الاتنين يوعدوا بعض بحاجات مش واقعية وفوق طاقتهم، وكتير بتكون الوعود دي سبب انكسار شيء من العلاقة بعد كده.. نانسي هتغنيلها:"تبرد وبقلبي بخبيك.. بتنام برمشي بغطيك".

5-مرحلة الحقيقة
بيكتشف الطرفين حقائق أكتر عن بعض بسبب القرب اللي بيكشف  أكتر، وهنا يا بيختاروا يتقبلوا العيوب يا يسيبوا بعض.. نانسي هتغنيلها: "يا طبطب وأدلع يا يقولي أنا اتغيرت عليه".

6-مرحلة المقاومة
لو مرحلة الحقيقة كملت في الطريق السيء وماقدروش يتقبلوا العيوب، بتبدأ المشاكل تزيد أكتر ويكون فيه مسافات بين الطرفين.. وهنا نانسي هتقول: "في حاجات تتحس وماتتقالش.. توجع في القلب ومابتبنش".

7-مرحلة الهيبتا
يا هنكمل ونتحمل بعض بعد ما نتفهم العيوب قبل المميزات، يا هنبعد وندور على حياة تانية ما حد تاني بعد ما نندم على الأيام اللي عدت والأحلام اللي ماتححقتش.. ونانسي ممكن تغني "بياع وشاطر وبريمو.. لا ليه في حب ولا في عشرة"، أو هتكمل وتقول: "أخاصمك آه.. أسيبك لا".