7 أغاني خليجية اشتهرت في مصر
الأكثر مشاهدة
زمان كان أي فنان حابب يتشهر بيغني باللهجة المصرية، لكن في أغاني جاتلنا من منطقة الخليج وعرفها المصريين وغنوها بلهجتها الأصلية وكانت "Hit" في وقتها.. ومنها:
أغاني خليجية اشتهرت في مصر
1- رهيب- عبد المجيد عبد الله (1995)
أغنية الفنان السعودي عبد المجيد عبد الله، نزلت في ألبوم بنفس عنوان الأغنية دي، اتعمل سنة 1995، الأغنية اتشهرت جدًا ولسه بتتغني في كل المناسبات وبقت من الكلاسيكيات لأن عمرها بقى فوق الـ20 سنة دلوقتي.. واتعمل منها نسخة لبرنامج ذا فويس كيدز على قناة إم بي سي.. وكانت حلوة جدًا.
2-يا طيب القلب وينك - عبد المجيد عبد الله (1998)
أغنية تانية للفنان عبد المجيد عبد الله، نزلت بعد نجاح رهيب بسنتين وتحديدًا في 1997، الأغنية حققت نجاح كبير جدًا برضه، وغناها المصريين.
اقرأ أيضًا.. أشهر أغاني بداية الألفينات
3- ما أروعك – نبيل شعيل (1998)
أغنية الفنان الكويتي نبيل شعيل اللي اتشهر في مصر جدًا في التسعينات وأوائل الألفينات، وخصوصًا بعد كده لأنه غنى باللهجة المصرية.. أغنية ما أروعك من إنتاج 1998.
اقرأ أيضًا..6 من أشهر أغاني محمود عبد العزيز
4- رضا والله وراضيناك- طلال سلامة (1999)
يمكن دي الأغنية الوحيدة اللي في القايمة دي المشهورة أكتر من مطربها، ناس كتير ماتعرفش اسم المطرب اللي غنى رضا والله وراضيناك، هو المطرب السعودي طلال سلامة والأغنية تم إنتاجها سنة 1999.
اقرأ أيضًا.. أشهر أغاني Hits في 2017
5- مشكلني – راشد الماجد (2002)
تقريبًا فميش حد مارقصش على مشكلني وقت من اتعرض الكليب على التلفزيون سنة 2002، رغم إن معظم المصريين كانوا بيغنوا كلمات منها وهما مش فاهمين بتقول إيه، لكن المطرب السعودي راشد الماجد قدر يخليهم يغنوها بسبب اللحن الراقص السريع.
اقرأ أيضًا.. بلاي ليست الصبح.. يا حلو صبح يا حلو طل
6- الأماكن – محمد عبده (2005)
المطرب السعودي الملقب بفنان العرب، محمد عبده، مطرب عاصر فترة المجد الفني في الستينات والسبعينات وحافظ على لنجاح ده لغاية دلوقتي، الأغنية اللي بنتكلم عنها اتعملت سنة 2005 يعني مش من كتير، لكنها مؤثرة جدًا وكلمتها بتمس القلب، وهي من شعر منصور الشادي وألحان ناصر الصالح.
7- فقدك – حسين الجسمي (2006)
حسين الجسمي من المطربين الخليجين اللي اتشهر جدًا في مصر بأغاني خليجية ومصرية منهم بشرة خير بحبك وحشتيني وحشتني دنيتي، لكن بداية تعارف الجمهور المصري معاه كانت أغنية فقدتك ومعاها والله ما يسوى اللي الجسمي بقى بيغنيهم سوا في كل مكان.
اقرأ أيضًا
بلاي ليست المحتارين على رأسهم عمرو دياب
الكاتب
ندى بديوي
الأربعاء ٣١ يناير ٢٠١٨
التعليقات
لا يوجد تعليقات
اترك تعليقا